اسرائیلی فوج کی قید سے رہائی کے بعد سابق سینیٹر مشتاق احمد خان آج پاکستان پہنچیں گے۔ اسلام آباد ایئرپورٹ پر ان کا استقبال کیا جائے گا۔ پریس کلب کے باہر وہ آئندہ لائحہ عمل کا اعلان کریں گے۔
سوشل میڈیا پلیٹ فارم ایکس پر اردن میں پاکستانی سفارت خانے نے پوسٹ شیئر کے ذریعہ بتایا کہ سابق سینیٹر مشتاق احمد خان بحفاظت پاکستان کے لیے روانہ ہوگئے۔
ترجمان دفتر خارجہ کے مطابق نائب وزیراعظم اسحاق ڈار نے اردن کے نائب وزیراعظم ایمن الصفدی کو فون کیا اور مشتاق احمد کی عمان واپسی میں اردن کی مدد پر شکریہ ادا کیا۔
سابق سینیٹر غزہ امدا لے جانے والے 45 کشتیوں پر مشتمل گلوبل صمود فلوٹیلا کی قیادت کر رہے تھے، جو گزشتہ ماہ اسپین سے روانہ ہوا تھا۔
اس مشن میں متعدد عالمی کارکنان اور سیاستدان، جن میں گریٹا تھنبرگ بھی شامل تھیں۔
تاہم جیسے ہی فلوٹیلا غزہ کے قریب پہنچا، اسرائیلی فوج نے اسے روک لیا اور اس میں سوار تمام کارکنان کو حراست میں لے لیا تھا۔
