پاکستان کوسٹ گارڈز کے ترجمان کے مطابق گزشتہ ایک ما ہ کے دوران انٹیلی جنس اطلاعات پر بلوچستان کے مختلف علاقوں میں منشیات اسمگلنگ کے خلاف کارروائیاں کی گئیں۔
کارروائیوں کے دوران کوسٹ گارڈز نے 140.65 کلو گرام، میتھ ائس1729.5 کلو گرام چرس،25.6 کلوگرام بھنگ اور 1.5کلو گرا م افیون برآمد کی۔
مذکورہ منشیات قبضے میں لے کر قانونی کاروائی کا آغاز کر دیا گیا ہے۔ پکڑی جانے والی منشیات کی عالمی مارکیٹ میں مالیت 136.528 ملین ڈالر کے لگ بھگ ہے۔
ترجمان کا کہنا ہے کہ پاکستان کوسٹ گارڈز ہر قسم کی منشیات اور غیر قانونی اشیاء کی اسمگلنگ کی روک تھام کے لیے ہمہ وقت مصروف عمل ہے اور ملکی معشیت کو مستحکم کرنے میں اپنا کردار ادا کرتی رہے گی۔
