مسابقتی کمیشن نے پاکستان ایئر لائنز (پی آئی اے) سے ایک کروڑ روپے جرمانہ وصول کر لیا۔ سی سی پی کے مطابق جرمانہ پی آئی اے کے بینک اکاوئنٹ منجمد کرنے کے خصوصی اختیارات استعمال کرتے ہوئے وصول کیا گیا۔
مسابقتی کمیشن نے حج کرایوں میں 80 فیصد اضافہ پر قومی ایئر لائن پر 2009 میں ایک کروڑ روپے جرمانہ عائد کیا تھا۔
پی آئی اے نے مسابقتی کمیشن کے آرڈر کے خلاف عدالت سے اسٹے لیا ہوا تھا۔ سپریم کورٹ نے معاملہ مسابقتی ایپلیٹ ٹریبونل کو بھجوا دیا تھا۔
ترجمان سی سی پی کے مطباق مسابقتی ایپلیٹ ٹریبونل نے پی آئی اے کے وکیل کی مسلسل عدم پیروی پر اپیل خارج کر دی ۔ جس پر مسابقتی کمیشن نے ی آئی اے سے جرمانہ ریکور کیا۔
