وزیراعظم کے بجلی کی قیمتوں میں کمی کے اعلان پر پاور ڈویژن نے تفصیلات جاری کر دیں۔ ذرائع کے مطابق ماہانہ 100یونٹ تک گھریلو لائف لائن صارفین کیلئے ٹیرف میں کمی نہ کرنے کا فیصلہ کیا گیا ہے۔
بجلی کی قیمتوں میں کمی کے حوالے سے جاری تفصیلات کے مطابق 50 یونٹ تک لائف لائن صارفین کیلئے ٹیرف 4روپے 78پیسےفی یونٹ برقرار رہے گا، جبکہ 51 سے 100 یونٹ لائف لائن صارفین کا ٹیرف 9 روپے37 پیسے فی یونٹ برقرار رہےگا۔
ماہانہ ایک سے 100یونٹ پروٹیکٹڈ گھریلو صارفین کا ٹیرف کمی کے بعد 8روپے52 پیسے ہو جائے گا۔ ماہانہ 101 سے 200 یونٹ تک پروٹیکٹڈ گھریلوصارفین کے ٹیرف میں 6 روپے 14پیسے کمی کی جائے گی۔ جس کے بعد ان صارفین کا ٹیرف 11 روپے 51پیسے فی یونٹ ہو جائے گا۔
300 یونٹ تک پروٹیکٹڈ صارفین کا ٹیرف 7روپے 24 پیسے کمی سے 34 روپے 3 پیسے فی یونٹ ہو جائے گا۔ گھریلو 300 یونٹ سے زائد کا ٹیرف 7روپے 24 پیسے کمی سے48 روپے 46 پیسے فی یونٹ ہو جائےگا۔
کمرشل صارفین کا ٹیرف 8روپے 58 پیسےکمی سے 62 روپے 47 پیسے فی یونٹ ہو جائےگا، جبکہ زرعی صارفین کا ٹیرف 7روپے 18پیسےکمی سے 34 روپے 58 پیسے ہو جائےگا۔ صنعتی صارفین کاٹیرف 7روپے 69 پیسےکمی سے 40 روپے 51پیسے فی یونٹ ہو جائےگا۔
ذرائع کے مطابق پاور ڈویژن کا کہنا ہے کہ بجلی کا اوسط ٹیرف 7روپے 41 پیسے کمی سے 37روپے 64 پیسے فی یونٹ ہو جائے گا۔
دوسری جانب امیر جماعت اسلامی پاکستان حافظ نعیم الرحمان نے حکومت کی جانب سے بجلی کی قیمتوں میں کمی کا خیرمقدم کیا ہے۔ انہوں نے بجلی کی قیمتوں میں کمی جماعت اسلامی کی تحریک کی بڑی کامیابی قرار دی ہے۔
امیر جماعت اسلامی نے ”حق دو عوام کو“ تحریک آگے بڑھانے کا اعلان کر دیا۔
