ذرائع کے مطابق لاہور سے دبئی جانے والی قومی ایئر لائن (پی آئی اے) کی پرواز پی کے 203 سے پرندہ ٹکرا گیا۔
حادثے کے بعد پائلٹ نے ایئر ٹریفک کنٹرولر سے رابطہ کر کے طیارے کی ہنگامی لینڈنگ کی اجازت طلب کی۔ایئربس طیارے کے انجن سے ٹیک آف کے وقت پرندہ ٹکرایا ہے۔
ذرائع کے مطابق طیارے کو کپتان نے بحفاظت لاہور ایرپورٹ پر لینڈ کرادیا گیا، طیارے میں 150 سے زائد مسافر سوار تھے۔
حادثہ کا شکار ہونے والا طیارہ گراؤنڈ کر دیا گیا۔ ذرئاع کے مطابق پی آئی اے انجینئرنگ کی ٹیم کراچی سے پی کے 304 کے ذریعے لاہور ایرپورٹ روانہ کی جائے گی۔
انجینئرز کی ٹیم طیارے کی بورو اسکوپک انسپکشن کرے گی، انسپکشن سے طیارے کے انجن کو ہونے والے نقصان کا اندازہ لگایا جائے گا۔
