سندھ انسٹیٹیوٹ آف یورولوجی اینڈ ٹرانسپلانٹیشن سینٹر (ایس آئی یو ٹی) میں گردوں اور پروسٹیٹ کینسر سمیت مختلف پیچیدہ امراض میں مبتلا دو ہزار سے زائد مریضوں کی کامیاب روبوٹک سرجری کی گئی۔
روبوٹک سرجری تھری ڈی امیجنگ ٹیکنالوجی کے ذریعے انجام دی جا رہی ہے جو ڈاکٹروں کو مریض کے جسم کے اندرونی حصے کو انتہائی باریک بینی سے دیکھنے کی سہولت دیتی ہے۔
ایس آئی یو ٹی کے پروفیسر آف یورولوجی، ریحان محسن کا کہنا تھا کہ مستقبل کے ڈاکٹرز کی تربیت کے لیے روبوٹک سرجریز کے موضوع پر سیمینارز بھی کروائے جا رہے ہیں۔
طبی ماہرین کے مطابق یہ ٹیکنالوجی یورولوجی کے پیچیدہ کیسز میں نہ صرف بہتر نتاتج کی حامل ہے بلکہ مریضوں کے لیے کم درد اور جلد صحتیابی کا ذریعہ بھی بن رہی ہے۔ اس سرجری میں مریضوں کی کامیابی کی شرح مثبت ہے۔
