فیڈرل بورڈ آف ریونیو (ایف بی آر) نے ایکسپورٹ سہولت اسکیم (ایس ایف ایس ) کی آڑ میں 97کروڑ 70 لاکھ روپے کا بڑا فراڈ پکڑلیا۔ دو جعلساز کمپنیوں نےگٹھ جوڑ کر کے قیمتی دھات کے سانچوں کی درآمد میں ای ایف ایس کا غلط استعمال کیا۔
شیراز احمد، ڈائریکٹر کسٹمز پوسٹ کلئیرنس آڈٹ ساوتھ نے بتایا کہ جعلساز کمپنیوں نے قیمتی دھات کے 47 کنٹینرز درآمد کیے، 1 ہزار 560 میٹرک ٹن مال غائب کرکے 111 میٹرک ٹن ظاہر کیا۔
ایک جعلساز کمپنی نے 49کروڑ 90لاکھ اور دوسری کمپنی نے 47کروڑ 80لاکھ روپے کا ٹیکس چوری کیا۔
ایف بی آر نے جعلساز کمپنیوں ایم ایس ایم ڈی انڈسٹریز پرائیویٹ لمیٹڈ، این ٹی این نمبر 8601763، پلاٹ نمبر 78،79،90،91 بلاک ای ایچ آئی ٹی ای لسبیلہ، حب اور ایم ایس دینار پرائیویٹ لمیٹڈ ، این ٹی این نمبر 4437610-3 کے خلاف ایف آئی آر درج کر کے تحقیقات شروع کر دی ہیں۔
ڈائریکٹر کسٹمز پی سی اے کے مطابق جعلساز کمپنیاں ایف بی آر کی ایکٹو رجسٹریشن فہرست میں شامل نہیں ہیں۔ شیراز احمد نے بتایا کہ پی سی اے ساوتھ نے تمام ایکسپورٹ کلکٹریٹس کو الرٹ جاری کردیا ہے۔ملزمان کی گرفتاری کیلئے ٹیمیں بھی تشکیل دیدی گئی ہیں۔
