پاکستان ریلویز کی نئی ریفنڈ پالیسی کے تحت مسافر پوائنٹ آف سیل سے خریدے گئے ٹکٹس کی ٹرین روانگی سے 48 گھنٹے قبل تک 90 فی صد رقم واپس لے سکیں گے۔
ریلوےٹکٹس کی ریفنڈ پالیسی رابطہ ایپ کے ذریعے خریدے گئے ٹکٹوں پر بھی لاگو ہوگی۔
ٹرین روانگی سے 24 سے 48 گھنٹے قبل تک واپس کیے گئے ٹکٹس کی 80 فی صد رقم واپس کی جائے گی۔ روانگی سے 24 گھنٹے کے اندر 70 فی صد رقم جبکہ ٹرین کی روانگی کے بعد دو گھنٹے کے اندر 50 فی صد رقم ریفنڈ کی جائے گی۔
نئی ریفنڈ پالیسی کے تحت ٹرین 6 گھنٹے یا اس سے زیادہ لیٹ ہو نے کی صورت میں مکمل رقم واپس کی جائے گی۔ رقم کی واپسی پوائنٹ آف سیل (پی او ایس) سے خریدے گئے ٹکٹوں کی ان ہی کاونٹرز پر اصل ٹکٹ اور شناختی کارڈ کی کاپی جمع کرانے پر کی جائے گی۔
آن لائن ٹکٹس کا ریفنڈ صرف اسی آن لائن سروس کے ذریعے ممکن ہوگا، جس سے ادائیگی کی جائے گی۔ آن لائن ٹکٹوں کے لیے بھی وہی ریفنڈ پالیسی ہوگی جو پی او ایس کے لیے مقرر ہے۔
آن لائن ٹکٹس کا ٹرین کی روانگی کے بعد ریفنڈ نہیں دیا جائے گا۔ ٹرین کی روانگی میں ڈیڑھ گھنٹے سے کم وقت باقی ہونے کی صورت میں آن لائن ٹکٹ کینسل نہیں کیا جائےگا۔
