اینیمل ہسبنڈری کمشنر نے بیل، بھینس ، بکری اور بھیڑوں کے غیرقانونی ذبح کا نوٹس لے لیا۔
کمشنر نے پنجاب اور سندھ کے چیف سیکریٹریز کو خط میں تین سال سے کم عمر کے بیل اور بھینسوں کو ذبح کرنے سے روکنے کی ہدایت کی ہے۔
اینیمل ہسبنڈری کمشنر نے زور دے کر کہا کہ بھینسوں اور بیل کو قابل استعمال عمر 10 سال تک ذبح ہونے سے روکا جائے۔
خط کے متن کے مطابق ڈیڑھ سال سے کم عمر بکری اور بھیڑوں کا ذبح بھی روکنے کی ہدایت کی گئی ہے۔
اینیمل ہسبنڈری کمشنر نے خط میں لکھا کہ بکریوں اور بھیڑوں کو قابل استعمال عمر چار سال تک ذبح نہ کیا جائے۔
