نیو گوادر انٹرنیشنل ایئرپورٹ 20 جنوری سے پروازوں کے لیے آپریشنل ہوگا، سول ایوی ایشن اتھارٹی (سی اے اے) نے باقاعدہ نوٹم جاری کردیا۔
سی اے اے نے نوٹم کے ذریعہ تمام ایئرلائنز کو آگاہ کردیا۔ نیو گوادر انٹرنیشنل ایئرپورٹ آپریشنل کرنے کا یہ باضابطہ طور پہلا نوٹم ہے۔
ابتدائی طور پر قومی ایئرلاین کی پروازیں چلا کر نیو گوادر انٹرنیشنل ایئرپورٹ کو آپریشنل کیا جائے گا۔
سی اے اے ذرائع کے مطابق ملکی اور غیر ملکی ایئرلائنز نے بھی نیو گوادر انٹرنیشنل ایئرپورٹ پر پروازیں چلانے میں دلچسپی کا اظہار کیا ہے۔
