وزارت داخلہ نےقومی اسمبلی کو وقفہ سوالات میں بتایا کہ گزشتہ 5 سال کے دوران 71 ہزار 849 شناختی کارڈز بلاک کیے گئے۔
وزارت داخلہ نے بتایا کہ خیبر پختونخوا میں سب سے زیادہ 25 ہزار 981 شناختی کارڈز بلاک کیے گئے، پنجاب میں 13 ہزارسے زائد، سندھ میں 9 ہزار 677 شناختی کارڈز بلاک کیے گئے۔
وزارت داخلہ نے بتایا کہ بلوچستان میں 20 ہزار 583 شناختی کارڈز بلاک کیے گئے، جبکہ اسلام آباد میں 1370، گلگت بلتستان میں 228 اور آزاد کشمیر میں 446 شناختی کارڈز بلاک کیے گئے۔
پانچ سال میں پاکستان بھر میں 44 ہزار 460 شناختی کارڈز ضروری تصدیق کے بعد بلاک کیےگئے۔ وزارت داخلہ نے بتایا کہ بلاک کیے گئے 13 ہزار 618 شناختی کارڈز کے حوالے سے ابھی تفتیش جاری ہے۔
